O Cineclube Pontevedra vén de asinar un convenio de colaboración coa Axencia Galega das Industrias Culturais (AGADIC) por medio do cal pasa a formar parte da rede de cineclubes de Galicia que funcionan coma extensións da programación do Centro Galego de Artes da Imaxe (CGAI).
Grazas a este acordo, engadiremos dúas proxeccións mensuais á xa habitual programación dos martes. Estas sesións serán de balde para as persoas socias (anuais ou trimestrais) do Cineclube e terán un custe simbólico de 2 euros para o público xeral. As proxeccións desenvolveranse no Teatro Principal de Pontevedra.