Programación de xaneiro 2025

Estreamos a programación de 2025 cun ciclo dedicado a Peter Bogdanovich (1939-2022), figura central do novo Hollywood que emerxe nos anos 70. Bogdanovich amalgamou nos seus filmes a modernidade dos novos tempos e a herdanza do clasicismo. Foi, ademais, actor, produtor, autor de numerosos estudos cinematográficos e responsable dun valioso legado en forma de entrevistas a cineastas, publicadas en varios volumes, entre os que destacan os seus libros sobre Orson Welles e John Ford. Proxectaremos tres dos seus títulos máis icónicos dos anos 70.