Programación de xuño 2023

Despedimos a tempada no Teatro Principal coa proxección dun dos nosos filmes favoritos da pasada edición de Novos Cinemas: Disturbios (2022), do suízo Cyril Schäublin. Aproveitamos a ocasión para acompañalo de Xente en domingo (1930), de Robert Siomak e Edgar G. Ulmer, que será a escolla para o Luns de Filmoteca. A proxección destes dous filmes un ao carón do outro é unha proposta do propio Cyril Schäublin para a iniciativa Tándem, da distribuidora Lost & Found, concibida como unha carta branca a cineastas con filmes en estrea, que escollen un filme do pasado que influíra na súa obra.