Programación xaneiro 2023

Dedicámoslle o mes de xaneiro ao cineasta portugués Paulo Rocha (1935-2012), figura eminente da cinematografía lusa e pai do Novo Cinema Portugués. Un autor cuxa influencia é visible na obra de cineastas portugueses contemporáneos como Pedro Costa, João Pedro Rodrigues ou Miguel Gomes.

Malia as dificultades de acceso ao seu traballo, Rocha é coñecido nos circuítos cinéfilos internacionais como autor dunha complexa reflexión sobre Portugal, sobre as súas raíces culturais e matrices identitarias.

Proxectaremos, da man de Atalante, tres filmes fundamentais da súa filmografía, con presenza nos tres da icónica actriz portuguesa Isabel Ruth: Os verdes anos (1963), Mudar de vida (1966) e O río de ouro (1998). As proxeccións faranse en versión orixinal con subtitulado en galego.