Cineclube Pontevedra

Baixo o nome de Primeiros ollares, o Cineclube Pontevedra programará tres filmes de animación para crianzas e familias durante o último trimestre do ano. As proxeccións terán lugar os días 2 e 30 de novembro, e 7 de decembro, no Teatro Principal de Pontevedra e en horario de mañá, con comezo ás 12 h. A entrada ás tres sesións, que están orientadas a crianzas a partir de 6 ou 7 anos, será libre e de balde ata completar a cabida.

Primeiros ollares nace coa idea de reactivar a experiencia colectiva da sala de cinema entre as familias, mais tamén coa vontade de dar a coñecer un tipo de cinema orientado á infancia que non ten cabida nas grandes salas comerciais: un cinema no que prime a calidade estética, que nos achegue a distintas realidades e problemáticas, que convide á reflexión e ao pensamento crítico e, sobre todo, que sexa un espazo de goce para as familias.

DOMINGO 2 DE NOVEMBRO
CALAMITY, UNHA INFANCIA DE MARTHA JANE CANNARY
Dir. Rémy Chayé
2020, 82', +7

DOMINGO 30 DE NOVEMBRO
LINDA QUERE POLO
Dir. Chiara Malta e Sébastien Laudenbach
2023, 75', +7